Հարցազրույց — Impulse Academy https://impulse-academy.am Tue, 18 Mar 2025 13:30:48 +0000 hy-AM hourly 1 https://wordpress.org/?v=7.1.2 https://impulse-academy.am/wp-content/uploads/2025/08/cropped-5208632738691806024-32x32.jpg Հարցազրույց — Impulse Academy https://impulse-academy.am 32 32 Քայլ դեպի փոփոխություն՝ կամավորությունը երիտասարդների համար https://impulse-academy.am/%d6%84%d5%a1%d5%b5%d5%ac-%d5%a4%d5%a5%d5%ba%d5%ab-%d6%83%d5%b8%d6%83%d5%b8%d5%ad%d5%b8%d6%82%d5%a9%d5%b5%d5%b8%d6%82%d5%b6%d5%9d-%d5%af%d5%a1%d5%b4%d5%a1%d5%be%d5%b8%d6%80%d5%b8%d6%82%d5%a9%d5%b5/ https://impulse-academy.am/%d6%84%d5%a1%d5%b5%d5%ac-%d5%a4%d5%a5%d5%ba%d5%ab-%d6%83%d5%b8%d6%83%d5%b8%d5%ad%d5%b8%d6%82%d5%a9%d5%b5%d5%b8%d6%82%d5%b6%d5%9d-%d5%af%d5%a1%d5%b4%d5%a1%d5%be%d5%b8%d6%80%d5%b8%d6%82%d5%a9%d5%b5/#respond Tue, 18 Mar 2025 12:12:18 +0000 https://impulse-academy.am/?p=5793
Կամավորությունը մի փոքրիկ, բայց կարևոր քայլ է, որը կարող է մեծ ազդեցություն ունենալ թե՛ ձեր, թե՛ մյուսների կյանքում։ Դա պարզապես բարեգործական գործողություն չէ, այլ հնարավորություն՝ սովորելու, զարգանալու և աշխարհին օգուտ տալու։ Երիտասարդները հաճախ փնտրում են իրենց տեղը, ուզում են փոխել ինչ-որ բան, բայց երբեմն չեն պատկերացնում, թե ինչպես։ Կամավորությունն այդ «գործիքն» է։ Ինչպես սկսել
Ամեն ինչ սկսվում է փոքր քայլերից՝
✅ Օգնել բարեգործական կազմակերպությանը
✅ Կազմակերպել միջոցառում
✅ Լինել մանկական կենտրոնում կամ աջակցել նրանց, ովքեր դրա կարիքն ունեն

Այս ամենի ընթացքում դուք ոչ միայն օգնում եք, այլև ձեռք եք բերում նոր հմտություններ՝ թիմային աշխատանք, առաջնորդություն, խնդիրների լուծում և հաղորդակցություն։
Կամավորությունն արժեքավոր փորձ է, որը կօգնի նաև ձեր մասնագիտական ապագայում։ Բացի այդ, դուք հանդիպելու եք մարդկանց, ովքեր կարող են ձեզ սովորեցնել ավելին, քան կպատկերացնեք։ Եվ ամենակարևորը՝ կզգաք, որ ձեր ժամանակը ներդրել եք ինչ-որ բանի, որ իսկապես կարևոր է։ 🔹 Կամավորությունը փոքր քայլ է, որը ստեղծում է մեծ փոփոխություն։ 🚀

Հոլիվուդյան աստղեր, ովքեր ակտիվորեն զբաղվել են կամավորությամբ

Անջելինա Ջոլի

Անջելինա Ջոլին ոչ միայն ճանաչված դերասանուհի է, այլ նաև ՄԱԿ-ի փախստականների հարցերով բարձրաստիճան հանձնակատար։ Նա այցելել է բազմաթիվ երկրներ, որտեղ մարդիկ տառապում են պատերազմներից, աղքատությունից և բնական աղետներից։ Նա ակտիվորեն մասնակցում է բարեգործական ծրագրերի և աջակցում է փախստականներին, առանց նյութական ներդրումների, օգտագործելով իր հանրային ազդեցությունը։

Բիլ Գեյթս

Բիլ Գեյթսը հայտնի է ոչ միայն որպես տեխնոլոգիական առաջատար, այլև որպես բարեգործական գործունեության խորհրդանիշ։ Նրա հիմնադրած Բիլ և Մելինդա Գեյթս հիմնադրամը ակտիվորեն աջակցում է առողջապահության և կրթության ոլորտներին ողջ աշխարհում։ Սակայն Գեյթսն իր դերը չի սահմանափակում միայն ֆինանսական աջակցությամբ. նա անձամբ է ներգրավված բազմաթիվ նախաձեռնություններում՝ ուղղված համաճարակների կանխարգելմանը, աղքատության նվազեցմանը և գլոբալ խնդիրների լուծմանը։ Նրա ջանքերն ապացուցում են, որ մեծ ազդեցություն ունենալու համար կարևոր է ոչ միայն միջոցները, այլև անձնական նվիրվածությունը։

Դևիդ Բեքհեմ

Դևիդ Բեքհեմը համաշխարհային հայտնի ֆուտբոլիստ է, ով ակտիվորեն մասնակցել է բազմաթիվ մարդասիրական նախագծերում։ Նա աշխատում է երեխաների պաշտպանության և կրթության հարցերում, իսկ նաև մասնակցում է ու ֆինանսավորում է «Malaria No More» հիմնադրամը, որը ուղղված է մալարիայի կանխարգելմանը։ Բեքհեմը իր հայտնիությունը օգտագործում է՝ համաշխարհային խնդիրներին ուշադրություն դարձնելու համար։

ԴՈՒ ԵՍ ՀԱՋՈՐԴԸ

Մոտ 1.5 տարի առաջ Հայկը տարբեր կազմակերպություններում զբաղվում էր կամավորական աշխատանքով, սակայն նկատեց, որ կամավորներն այնտեղ հաճախ մնում էին աննկատ ու չգնահատված։ Երբ աշխատում ես անշահախնդիր՝ պարզապես օգնելու ու փոփոխություն ստեղծելու նպատակով, կարևոր է զգալ, որ քո ներդրումն իսկապես արժեքավոր է։ Բայց երբ կամավորությունը վերածվում է անտեսված աշխատանքի, ոգևորությունն արագ մարում է։ Այս փորձառությունը Հայկին բերեց մի պարզ, բայց կարևոր հարցի՝ ինչո՞ւ կամավորությունը չդարձնել մի բան, որից մարդիկ կստանան ոչ միայն բավարարվածության զգացում, այլև հաճույք, աճի հնարավորություններ ու թիմային ջերմ միջավայր։ Նա որոշեց ստեղծել մի վայր, որտեղ կամավորությունն այլևս պարտականություն չէր լինի, այլ հիշարժան ու ուրախ փորձառություն։ Այս գաղափարը ոգևորեց նաև նրա ընկերներին։ Միասին նրանք սկսեցին ուսումնասիրել երիտասարդների հետաքրքրությունները, պարզել, թե ինչ են նրանք ակնկալում կամավորական ծրագրերից, մտածել անուն, մշակել գաղափար ու մոտեցում, որոնք կտարբերվեն։ Այսպես ծնվեց Fun Zone-ը՝ մի վայր, որտեղ կամավորությունը համադրվում է հաճույքի հետ, թիմային աշխատանքը դառնում է ընկերություն, իսկ յուրաքանչյուր կամավոր իրեն զգում է գնահատված և կարևոր։
Fun Zone-ի Նպատակները
🔹 Երիտասարդներին տրամադրել ինքնազարգացման և ինքնաարտահայտման հնարավորություններ
🔹 Զարգացնել կամավորական մշակույթը
🔹 Ստեղծել մոտիվացնող միջավայր
🔹 Ազատ ժամանակն օգտագործել արդյունավետ և ստեղծագործ ձևով
🔹 Աջակցել անձնական և մասնագիտական աճին
🔹 Կառուցել փոխօգնության և աջակցության համայնք
🔹 Բացահայտել երիտասարդների տաղանդներն ու հմտությունները
Fun Zone-ը մի վայր է, որտեղ կամավորությունը վերածվում է նոր հնարավորությունների, ընկերության և ինքնաբացահայտման։
Fun Zone-ի հիմնական արժեքները
🌟 Ընտրություն և ազատություն – Կամավորական աշխատանքը պետք է լինի ազատ կամքով կատարված ընտրություն, և մենք կարևորում ենք այս մոտեցումը մեր բոլոր նախաձեռնություններում։

🌟 Ազնվություն և բարոյականություն – Կամավորները ներգրավվում են աջակցելու և օգնելու համար, առանց նյութական շահի կամ ճանաչման ակնկալիքի։ Մենք կարևորում ենք անկեղծությունն ու նվիրվածությունը։

🌟 Համագործակցություն – Երբ միասին ենք աշխատում, կարողանում ենք հասնել ավելի մեծ արդյունքների։ Թիմային աշխատանքն ու միմյանց աջակցելը մեր հիմնական ուժն են։

Fun Zone-ը տարածում է այս արժեքները՝ ստեղծելով մի միջավայր, որտեղ կամավորությունն ավելին է, քան պարզապես աշխատանք. այն փոփոխություն է, աճ ու նոր հնարավորություններ։

Միացիր FUN ZONE-ի Telegram ալիքին!

Եթե ցանկանում ես լինել մաս մի թիմի, որտեղ կամավորությունը լի է ուրախությամբ, զարգացմամբ և նոր հնարավորություններով, ապա FUN ZONE-ը հենց քեզ համար է: Անդամ դառնալով Telegram ալիքին՝ առաջինը կիմանաս նոր նախաձեռնությունների, միջոցառումների և կամավորական հնարավորությունների մասին:
Միացիր FUN ZONE-ի Telegram ալիքին հիմա!
Facebook
WhatsApp
Telegram
]]> https://impulse-academy.am/%d6%84%d5%a1%d5%b5%d5%ac-%d5%a4%d5%a5%d5%ba%d5%ab-%d6%83%d5%b8%d6%83%d5%b8%d5%ad%d5%b8%d6%82%d5%a9%d5%b5%d5%b8%d6%82%d5%b6%d5%9d-%d5%af%d5%a1%d5%b4%d5%a1%d5%be%d5%b8%d6%80%d5%b8%d6%82%d5%a9%d5%b5/feed/ 0 Երեխաների մոտիվացիա և առողջ դաստիարակություն. Սաթենիկ Հովհաննիսյանի արժեքները և փորձը https://impulse-academy.am/%d5%ae%d5%b6%d5%b8%d5%b2-%d5%a5%d6%80%d5%a5%d5%ad%d5%a1-%d6%83%d5%b8%d5%ad%d5%b0%d5%a1%d6%80%d5%a1%d5%a2%d5%a5%d6%80%d5%b8%d6%82%d5%a9%d5%b5%d5%b8%d6%82%d5%b6%d5%b6%d5%a5%d6%80%d6%89-%d5%bd%d5%a1/ https://impulse-academy.am/%d5%ae%d5%b6%d5%b8%d5%b2-%d5%a5%d6%80%d5%a5%d5%ad%d5%a1-%d6%83%d5%b8%d5%ad%d5%b0%d5%a1%d6%80%d5%a1%d5%a2%d5%a5%d6%80%d5%b8%d6%82%d5%a9%d5%b5%d5%b8%d6%82%d5%b6%d5%b6%d5%a5%d6%80%d6%89-%d5%bd%d5%a1/#respond Tue, 12 Nov 2024 09:40:51 +0000 https://impulse-academy.am/?p=4924
Սաթենիկ Հովհաննիսյանը մանկավարժական գիտությունների թեկնածու, պատմաիրավագետ և շարունակաբար ակտիվ հասարակական գործիչ է։ ՀԱՅՔ հասարակական կազմակերպության նախագահ լինելով՝ նա իր օրինակի և փորձառության միջոցով նպաստում է կրթության և հասարակական կյանքի բարելավմանը։ Սաթենիկը մեծ ուշադրություն է հատկացնում երիտասարդ սերնդի զարգացմանը և նրանց մեջ առողջ արժեքներ սերմանելուն։ Մեզ հետ զրույցում Սաթենիկը կիսվել է իր տեսակետներով ծնող-երեխա կապի, կրթության կարևորության, մոտիվացիայի, ինչպես նաև իր որդուն դաստիարակելու սեփական մոտեցումների մասին։
Ինչպիսի՞ դեր է ունենում ծնող-երեխա կապը երեխայի զարգացման և կրթական հաջողության մեջ: Ինչպե՞ս կարող է ծնողը դառնալ իր երեխայի ամենամեծ աջակցողը:
Կարևոր են ընտանիքում ծնող-երեխա դրական հարաբերությունների կառուցման, ծնողների հոգատարության, նրանց վերաբերմունքի և ուշադրության հարցերը: Երեխաների հետ կապված խնդիրները շատ տարբեր և բազմազան են, իսկ նրանց դաստիարակության հարցերը` մեծաքանակ ու ծավալուն: Ընտանիքում գերակա հարցը ծնող-երեխա հարաբերությունների խնդիրն է: Երեխայի ապահարմարվողականության տեսակների բացահայտումը բերում է այն եզրահանգման, որ պատճառը ընտանեկան դաստիարակության ոչ ճիշտ իրականացման, ծնող-երեխա բացասական հարաբերությունների մեջ է:
Ծնողները և երեխաներն ունեն փոխադարձ հաղորդակցման պահանջ, ինչը, կախված տարիքային առանձնահատկություններից, տարբեր կերպ է դրսևորվում: Ծնողների և երեխաների միջև տարիների ընթացքում ձևավորվում են փոխհարաբերությունների որոշակի տարբերակներ: Օրինակ` դեռահասները ձգտում են ինքնահաստատման, պատանիները` ինքնադրսևորման: Եթե նրանք ծնողների հետ հասնում են փոխըմբռնման, ապա ձգտում են ակտիվ մասնակցել ընտանիքի կյանքին, թեթևացնել ծնողների հոգսերը եւ այլն:
Ծնողների սերն ու քնքշանքը երեխայի զարգացման համար կարևոր նախապայմաններ են: Կան ծնողներ, որոնք, իրենց փոքրիկներին անհասկացող և պարզունակ էակներ համարելով, հաշվի չեն առնում երեխաների հոգեկան առանձնահատկությունները: Երբ երեխան իրեն մենակ ու լքված է զգում, նրա մեջ չեն զարգանում անձի հոգեկան հասունության հիմնական կարևոր հատկանիշները՝ ինքնավստահությունն ու հավատը: Ծնողները պետք է իմանան, որ երեխան սիրել սովորում է իր ծնողներից: Ծնողի վարքն օրինակ է երեխայի համար: Չմոռանանք, որ որոշակի տարիքում (6-10 տարեկան) երեխան նույնականացվում է միևնույն սեռի ծնողի հետ։ Սա նշանակում է, որ երեխան որդեգրում է ծնողի մոտեցումները, մտքերը՝ նմանվելով նրան: Ուստի անհրաժեշտ է ուշադրություն դարձնել այն հանգամանքին, որ ծնողն ունի մեծ պատասխանատվություն երեխայի անձի ձևավորման համար, և ճիշտ իրականացնելով դաստիարակության գործընթացը՝ մենք կունենանք բավականին լուրջ և նկատելի առաջընթաց հասարակության զարգացման բնագավառում, ինչն էլ կհանգեցնի հետագա նվաճումների:
Կարծում եմ առաջնային նախապայման է ծնողի համար իր երեխային աջակելու համար՝ կարողանալ շփվել խոսքով,ոչ մի բռնություն։ Կարծում եմ,որպես ամենամեծ աջակցող պետք է ծնողը երեխայի մեջ չսերմանի գերազանցիկ լինելու սինդրոմը,երեխան չպետք է վախենա անհաջողություններից։ Գերազանցիկի սինդրոմն իրականում անձի մեջ զարգացնում է թուլություն և անհաջողությունները հաղթահարելու սոցիալական փորձի բացակայություն: Նման սինդրոմով երեխան, գերազանց ավարտելով դպրոցը, անընդունակ և անպատրաստ է լինում կյանքի բարդ փուլերի համար: Հնարավորություն տվեք երեխային ունենալ նաև անհաջողություններ, ձեր օրինակով ցույց տվեք, որ դա նորմալ է, և կարելի է դրանից հետո հավաքվել և առաջ գնալով՝ ունենալ այլ ձեռքբերումներ: Կարծում եմ կարևորագույն պայման է նաև երեխային լիարժեք ճանաչումը ծնողի կողմից։
Ծնողի օրինակն ինչպիսի՞ դեր է խաղում երեխայի դաստիարակության և հաջողությունների մեջ: Ձեր փորձով ի՞նչ սովորություններ են լավ օրինակ ծառայում երեխային:
Ծնողը երեխայի համար միշտ լավագույն օրինակն է։Մեր օրինակով եթե դիտարկենք,Արեգը միշտ ինձ ասում է,որ ես շատ նպատակասլաց եմ ու ինչ մտքիս դնեմ, կհասնեմ դրան։Ես տեսնում եմ, որ նա նույնպես որդեգրել է այդ ձգտումն ու իրենով արել, ինչի համար անչափ ուրախ եմ։ Կարևոր է նաև,որ երեխան չապրի ստի միջավայրում,այլապես նա նույնպես կնմանակի ու ինքնաբերաբար կփոխվի։
Ո՞րն է առողջ ամենակարևոր տարրերից մեկը ծնող-երեխա հարաբերությունների միջև: Կանխելու համար կոնֆլիկտները, ի՞նչ խորհուրդ կտաք ծնողներին:
Առողջ հարաբերությունների կարևոր տարրերից է գերխնամքի բացակայությունը երեխայի նկատմամբ։ Ծնողների կողմից չափից ավել ցուցաբերվող խնամքը և հոգատարությունը վանում է երեխաներին, ավելորդ հսկողությունից ազատվելու համար նրանք ձգտում են դեպի փողոց: Որպեսզի երեխայի շփման օղակը չսեղմվի, անհրաժեշտ է նրան անընդհատ ոգևորել,պահպանել կապը հարազատների հետ: Երեխային չի կարելի մեկուսացնել միջավայրից: Նա պետք է ձեռք բերի ինքնուրույնություն իր տարիքին և հնարավորություններին համապատասխան: Այն երեխաները, ովքեր ընտանիքում չեն ստանում բավարար ջերմություն, սեր, հոգատարություն, նվաստացման զգացումներ են ունենում, ենթարկվում են բռնության, սկսում են իրենք պաշտպանել իրենց իրավունքները սեփական ձևով, որոնք հաճախ անօրինական են, որն էլ բերում է տնից փախուստի, վարքագծի կտրում փոփոխման և կոնֆլիկտների առաջացման։Այս ամենից խոսափելու համար միշտ պետք է սիրո ու ջերմության մթնոլորտ։
Ի՞նչ կարո՞ղ է ծնողն անել, եթե զգում է, որ իր և երեխայի միջև կապը թուլացել է կամ խնդիրներ կան: Որտեղի՞ց կարելի է սկսել վերականգնել այդ կապը:
Ծնող-երեխա կապի թուլացումը տարբեր պատճառներ կարող է ունենալ։Ընդհանուր առմամբ դրա վերականգնման համար ես նախընտրում եմ խորհուրդ տալ շատ ժամանակ անցկացնել երեխայի հետ և շատ ավելի սեր և ուշադրություն տալ,փորձել միասին զբաղվել նրա սիրելի զբաղմունքներով,որակյալ ու անմիջական ժամանակ անցկացնել։ Կարծում եմ տևական և նմանօրինակ գործողություններով ծնողները կվերականգնեն իրենց կապը երեխայի հետ։
Դուք գրում եք մոտիվացիոն ծրագրեր դպրոցականների համար: Ի՞նչ հիմնական գործիքներ են ներգրավված ձեր ծրագրերում, որոնք կարող են օգնել երեխաներին մնալ կենտրոնացված և հետաքրքրված իրենց ուսումնական պրոցեսով:
Ես շեշտը դնում եմ աշակերտների կամարտահայտման վրա։ Ինչքան շատ է ուսուցիչը լսում երեխայի կարծիքը,կարևորում այն,այնքան շատ ավելի շատ է հավանականությունը, որ նա կանցկացնի պրոդուկտիվ և բովանդակալից դաս՝ ոչ բռնի,առողջ մթնոլորտում։ Եթե պետք է երեխան վախենա,անշարժ նստի և իրավունք չունենա դասապրոցեսի ընթացքում որևէ բան խոսել,ապա ես դա չեմ համարում արդյունավետ,վախի մթնոլորտում չի կարող առանց տռավմաների լինել ուսուցում։ Ես իմ ծրագրերում նաև կարևորում եմ mastermind-ը՝ոգեշնչումը,որպես մոտիվացիայի աղբյուր։Մոտիվացված լինելուց զատ կարևորում եմ նաև դիսցիպլինար գործընթացը ուսումնական պրոցեսին,որի արդյունքում սովորողը ձեռք է բերում ոչ իմպուլսիվ կենտրոնացում։
Ինչպիսի՞ դեր է խաղում ծնողը երեխայի մոտիվացիոն համակարգի ստեղծման գործում: Ի՞նչ խորհուրդ կտաք նրանց, ովքեր ցանկանում են խրախուսել իրենց երեխաներին առանց հավելյալ ճնշում գործադրելու:
Կարծում եմ ծնողը պետք է լինի հետևողական՝չանտեսելով երեխայի անհատականությունը։Իր պահանջների մեջ միշտ լինի երեխայակենտրոն,որպեսզի իր ցանկությունները չփաթաթվեն երեխայի վզին,որի արդյունքում երեխան կկորցնի իր դիմագիծն ու կենտրոնացման հետ կունենա մշտական խնդիրներ։Սեր, հանդուրժողականություն,գիտակից մոտեցում և համբերություն բոլոր ծնողներին։
Ի՞նչ կարևորագույն արժեքներ և սովորություններ կցանկանայիք, որ ծնողները փոխանցեին իրենց երեխաներին, որպեսզի նրանք ունենան մղվածություն ուսման մեջ:
Ես, ինչպես շատ հաճախ եմ նշում,կուզեի որ ծնողներն իրենց երեխաների մեջ սերմանեին ամեն բան իր ժամանակին սովորելու սովորությունը։Տարրական դպրոցի տարիներին յուրացնել առարկայական հիմնային գիտելիքներ,որպեսզի արդեն բարձր դասարաններում կամ հասուն տարիքում չանդրադառնան բազային գիտելիքներ ձեռք բերելուն։
Ինչպիսի՞ մոտեցումներ եք կիրառում ձեր որդի Արեգի դաստիարակման մեջ: Որո՞նք են ձեր հիմնական սկզբունքները, որոնց հետևում եք նրա կրթության և զարգացման ժամանակ:
Իրականում ես շատ խստապահանջ եմ Արեգի կրթության հարցում։ Մեզ համար կարևոր է հարգել միմյանց և գիտակցել,որ պետք է օրվա մեջ հասցնել պատրաստել դասերը,հաճախել խմբակների,խաղալ,միմյանց հետ ժամանակ անցկացնել և ճիշտ ժամանակին պառկել քնելու։Մենք բավականին հեշտ ենք եկել այս բալանսավորմանը,քանի որ ընտանիքի այլ անդամների կողմից չկան այլ մոտեցումներ այս գործընթացին,որն էլ հեշտացնում է իմ գործը։ Ես Արեգին դաստիարակում եմ նախ որպես պարտաճանաչ աշակերտ,հետո որպես արդարամիտ ու հայրենասեր քաղաքացի,ով պետք է ջանք ու եռանդ չխնայի իր ընտանիքի,երկրի համար լավագույն օրինակը լինելու։
Ի՞նչ խորհուրդ կտաք ծնողներին, ովքեր դժվարանում են պահպանել հավասարակշռությունը երեխաների կրթության և ազատ ժամանակի միջև: Ձեր կարծիքով, ինչպիսի կարևորություն ունի ազատ ժամանակը երեխայի զարգացման համար:
Ես կարծում եմ երեխան օրվա մեջ պետք է ունենա ազատ ժամանակ և ինքնուրույն տնօրինի իր ժամանակը՝ իհարկե ծնողների վերահսկողությամբ։ Դա կարևոր է երեխայի մեջ ինքնավստահության, ինքնուրույնության սերմանման համար։ Կարծում եմ պետք է ճիշտ նժարին լինի երեխայի՝ազատ ժամանակ ունենալու նախապայմանը։Խորհուրդ կտամ դժվարանալու դեպքում օրվա պլան կազմել և սկզբնական շրջանում առաջնորդվել դրանով,որը կօգնի ավելի հստակ կազմակերպել օրն ու կդառնա րիտուալ։
Կա՞ն հատուկ մեթոդներ, որոնք օգնում են Արեգին կենտրոնանալ իր դասերի վրա և մնալ մոտիվացված։
Արեգը շատ շուտ մոտիվացվող երեխա է։ Մենք ունեինք խնդիր դիսցիպլինայի հետ կապված,որն էլ զանազան վարժություններով կարգավորեցինք։ Մենք Արեգի հետ հաճախ են դիտում ու կարդում հայտնի մարդկանց հաջողված պատմություններ,որոնք նրան ոգեշնչում են հանդեպ կրթությանն ու ուսմանը։Բախտս բերել է,Արեգը շատ է սիրում ընթերցանություն,անհագ կերպով կարդում է արկածային գրականություն,շատ է սիրում լինել ինֆորմացված և միշտ ձեռքը զարկերակին պահել՝ետ չմնալ աշխարհում տեղի ունեցող իրադարձություններից։Իսկ ես որպես մայր,մշտապես աջակցում և ուղղորդում եմ նրան՝չանտեսելով և չմոռանալով հաշվի առնել իր ցանկությունները։

Սաթենիկի գործունեությանը կարող եք հետևել նրա ինստագրամյան բլոգում, որտեղ նա կիսվում է իր փորձով և գաղափարներով։
]]> https://impulse-academy.am/%d5%ae%d5%b6%d5%b8%d5%b2-%d5%a5%d6%80%d5%a5%d5%ad%d5%a1-%d6%83%d5%b8%d5%ad%d5%b0%d5%a1%d6%80%d5%a1%d5%a2%d5%a5%d6%80%d5%b8%d6%82%d5%a9%d5%b5%d5%b8%d6%82%d5%b6%d5%b6%d5%a5%d6%80%d6%89-%d5%bd%d5%a1/feed/ 0 Միջազգային կրթության սկիզբը իր օրինակով: Դիանա Անտոնյան https://impulse-academy.am/%d5%b4%d5%ab%d5%bb%d5%a1%d5%a6%d5%a3%d5%a1%d5%b5%d5%ab%d5%b6-%d5%af%d6%80%d5%a9%d5%b8%d6%82%d5%a9%d5%b5%d5%a1%d5%b6-%d5%bd%d5%af%d5%ab%d5%a6%d5%a2%d5%a8-%d5%ab%d6%80-%d6%85%d6%80%d5%ab%d5%b6%d5%a1/ https://impulse-academy.am/%d5%b4%d5%ab%d5%bb%d5%a1%d5%a6%d5%a3%d5%a1%d5%b5%d5%ab%d5%b6-%d5%af%d6%80%d5%a9%d5%b8%d6%82%d5%a9%d5%b5%d5%a1%d5%b6-%d5%bd%d5%af%d5%ab%d5%a6%d5%a2%d5%a8-%d5%ab%d6%80-%d6%85%d6%80%d5%ab%d5%b6%d5%a1/#respond Thu, 17 Oct 2024 13:45:31 +0000 https://impulse-academy.am/?p=4583

Դիանա Անտոնյանը, իր երիտասարդ տարիքում, արդեն մեծ հաջողություններ է գրանցել կրթական և մասնագիտական ոլորտում։ Նա հիմնադրել է Education For Armenians ոչ կոմերցիոն կազմակերպությունը, որի միջոցով աջակցում է երիտասարդներին՝ հասնելու իրենց կրթական նպատակներին։ Իր կարիերայում Դիանան աշխատել է որպես research assistant North Carolina State University-ի մարքեթինգի պրոֆեսորի հետ և որպես մարքեթինգի intern Columbia University-ի պրոֆեսորի կազմակերպությունում, որը կապված է ՄԱԿ-ի հետ։ Նա նաև հաղթել է Հայոց Ցեղասպանության մասին 13 էջանոց աշխատությամբ Krieger Contest-ը և պարգևատրվել ՄԱԿ-ում՝ Նյու Յորքում, որտեղ ժյուրիի կազմում եղել են Columbia University և Fordham University դասախոսներ։ Այս հարցազրույցում Դիանան կկիսվի իր դժվար պահերով և կտա օգտակար խորհուրդներ իր հասակակիցներին՝ կրթական և մասնագիտական հաջողությունների ճանապարհին

-Ինչպե՞ս է սկսվել քո ճանապարհը դեպի միջազգային կրթության ոլորտ, եւ ինչպե՞ս ես այժմ օգնում դեռահասներին համալսարան ընդունվելու հարցում․

Բլոկադայի և պատերազմի ընթացքում հատկապես զգում էի, թե որքան անարդար է, որ երիտասարդները զրկված են կրթություն ստանալու իրավունքից, և տեսնում էի, որ այդ իրավիճակը միջազգային մակարդակով անտեսվում է։ Այդ ժամանակ մտածում էի՝ եթե մեր երկիրը ավելի հզոր լիներ, կարհամարվե՞ր այդպես։ Ու հասկանում էի, որ երկրի հզորությունը կախված է նաև իր տնտեսության հզորությունից։
Միևնույն ժամանակ հիշում էի իմ ծնողներին, որոնք իմ տարիքում նույնպես լավ կրթություն ստանալու հնարավորություն չունեին «մութ ու ցուրտ» տարիների ընթացքում։ Օրվա ընթացքում, երբ ընդամենը մեկ ժամով լինում էր էլեկտրականություն կամ գազ, նրանք ստիպված էին օգնել տան գործերում, և այդ պայմաններում կրթությունը մնում էր ետին պլանում։
Այս զուգահեռները տանելով՝ հասկացա, թե ինչքան կարևոր է կրթությունը, և որ թշնամին բլոկադայի ու պատերազմի ընթացքում մեզ զրկել էր ամենահզոր զենքից՝ կրթության իրավունքից։ Այդ պատճառով որոշեցի, որ ինքս պետք է ստանամ որակյալ կրթություն և հասկանամ, թե ինչ փոփոխություններ են անհրաժեշտ մեր երկրի կրթական համակարգում։
Ընտրեցի երկիր՝ հզոր տնտեսությամբ և առանց ուղղակի պատերազմի ներգրավվածության, այն էր ԱՄՆ-ը, որպեսզի սովորեմ տնտեսագիտություն։ Քանի որ այդ փորձառությունը մեծ ազդեցություն ունեցավ ինձ վրա, որոշեցի օգնել այն երիտասարդներին, որոնք, ինչպես ես, ունեն առաքելություն՝ բացահայտելու ԱՄՆ-ում որակյալ կրթությունն ու այն ծառայեցնելու Հայաստանի բարօրությանը։
Իմ ինստագրամյան և տիկտոկյան բլոգներում, որոնք առաջինն են իրենց տեսակի մեջ Հայաստանում, սկսեցի կիսվել ընդունելության քայլերով, ներկայացնել իմ ճանապարհը և ամենակարևորը՝ այցելել ԹՈՓ համալսարանների կամպուսներ ու ներկայացնել դրանք։ Բացեցի իմ կազմակերպությունը՝ Education For Armenians-ը, որի շրջանակներում այցելում եմ պետական դպրոցներ և կրթական հաստատություններ, որտեղ անվճար կիսվում եմ ընդունելության գործընթացի մասին գիտելիքներով։
Նաև կազմակերպում եմ վեբինարներ արտասահմանյան ուսանողների հետ, նկարահանում հարցազրույցներ ամերիկյան պրոֆեսորների հետ՝ աջակցելու մեր երիտասարդներին կրթական ոլորտում հաջողություն ձեռք բերելու հարցում:

-Որո՞նք են ամենահաճախ հանդիպող մարտահրավերները, որոնց բախվում են դեռահասները ընդունվելու գործընթացում, եւ ինչպե՞ս ես օգնում նրանց հաղթահարել դրանք.

Շատ դասախոսներ վախեցնում են ուսանողներին՝ ասելով, որ Հայաստանից ոչ ոքի չեն ընդունում, մինչդեռ ամեն տարի Հայաստանից շատ ուսանողներ ընդունվում են լավագույն համալսարաններ։ Շատերը խառնվում են՝ չիմանալով, թե ինչ քայլեր պետք է կատարել և ինչ հերթականությամբ։ Իմ նպատակն է օգնել նրանց՝ կազմակերպելով պարզաբանող պրեզենտացիաներ և վեբինարներ, որոնք ցույց են տալիս ողջ գործընթացը։

-Դեռ համալսարանի դիմորդ ես. ի՞նչ մարտահրավերների ես բախվում անձամբ դու, եւ ինչպե՞ս ես պատրաստվում հաղթահարել դրանք.

Ամենամեծ մարտահրավերներն արդեն ետևում են, քանի որ անցել եմ քննությունների բարդ փուլը և ձևավորել իմ անձնական բրենդը։ Մնում է միայն կազմել բուն դիմումը։ Դիմումում, երևի, ամենամեծ դժվարությունը սկսելու պահն է, որովհետև մինչև սկսելը թվում է, թե միանգամից հիանալի շարադրություն կստացվի։ Սակայն երբ պահը գալիս է, հազար մտքեր անցնում են գլխովդ, բայց միևնույն ժամանակ ոչ մեկը՝ հստակ, անգամ երբ գիտես, թե ինչ թեմայի մասին ես ուզում գրել։ Չես հասկանում՝ ինչպես սկսել։ Չնայած ցանկանում ես, որ տեքստը տպավորիչ լինի, թվում է, թե ոչ մի տարբերակ բավական տպավորիչ չէ, ու զգում ես, որ պետք է էլ ավելի լավ անել։ Այս ամենը պլանավորում եմ հաղթահարել պարզապես սկսելով՝ գուցե «սիրողական» ձևով, թույլ տալով, որ սկզբում անթերի չլինի, բայց հետո այն կհղկեմ և կդարձնեմ այն, ինչ պետք է։ Սակայն հենց սկսելու և ինքդ քեզ ոչ իդեալական գրելու թույլտվություն տալու համար բավական խիզախություն է պետք։

-Եղե՞լ է արդյոք մի պահ, երբ ինքդ քեզ վրա կասկածել ես՝ մտածելով, որ գուցե չես հաջողի։ Ինչպե՞ս հաղթահարեցիր այդ կասկածը, եւ ի՞նչը օգնեց քեզ շարունակել.

Իմ ամբողջ պատմությունը միշտ եղել է անհնարինի չափ վատից դեպի լավագույնը դառնալու մասին։ Երկու ընդունելության քննության ժամանակ խմբում ամենավատն էի, և դա բոլորին նյարդայնացնում էր։ Անգամ դասախոսներիցս մեկն ասել էր, որ ինձ մոտ ոչինչ չի ստացվի, և 7 ամիս շարունակ ինձ լացացրել ու պահել էր բանակային ռեժիմով՝ մինչ կեսգիշեր իր տանը։ Սակայն դիսցիպլինայի և ինքնաշխատանքի շնորհիվ դարձա լավագույնը և նույնիսկ ստացա առաջարկ՝ այդ նույն քննության դասերը դասավանդելու մեկ այլ դասախոսի կողմից։ Այո, հենց սկզբում թվում էր, թե անհնար է նույնիսկ միջին մակարդակի հասնելը, իսկ լավագույնի մասին խոսք անգամ չկար, բայց ես համառորեն շարունակեցի։ Կան դեպքեր, երբ ծրագրերը մերժել են ինձ թույլ փորձ ունենալու պատճառով, իսկ մեկ տարի անց, երբ նորից դիմեցի, ասացին, որ արդեն բավականաչափ ուժեղ փորձ ունեմ ու նոր բան չեմ սովորի։ Խորհուրդ տվեցին շանսը տալ նրանց, ովքեր ավելի քիչ որակավորում ունեն և կարող են այդ հնարավորությամբ մեկ քայլ առաջ գնալ։ Կարճ ասած՝ ես չեմ կարողանում լինել «ոսկե միջինը»։ Սկզբում թվում է անհնարին, բայց հետո դառնում է իրականություն, և գուցե դա էլ հենց իմ հաջողության բանալին։

-Համալսարան ընդունվելու պրոցեսն ի՞նչ զգացումներ է առաջացնում քո մեջ, եւ ինչպե՞ս ես կառավարում այդ պրոցեսը.

Ես արթնանում եմ այս նպատակով և քնում՝ նույն մտքերով։ Շատերի մոտ չի ստացվում, որովհետև նրանք այս գործընթացը դիտարկում են՝ որպես երկրորդական տարբերակ, օրինակ՝ ՀՀ բուհ չընդունվելու դեպքում, չգիտակցելով, որ ԱՄՆ-ի համալսարաններ դիմելը զգալիորեն ավելի բարդ է։ Ես ամեն պահի պահում եմ այս նպատակը իմ մտքում, և դա ինձ ոգևորում է։ Ունեմ վախեր՝ կապված այս դժվարությունների, ընդունելության արդյունքների կամ մենակ այլ երկրում ապրելու հետ, բայց զգում եմ, որ սա այն ճանապարհն է, որով պետք է անցնեմ, և ոչ մի խոչընդոտ չի կարող ազդել արդյունքի վրա, քանի դեռ ես ամուր կանգնած եմ․․․

-Ինչպե՞ս ես ընտրել համալսարանները, որոնց դիմել ես, եւ ի՞նչ ակնկալիքներ ունես միջազգային կրթությունից.

Իհարկե, հաշվի եմ առել առաջարկված կրթական ծրագրերը և ակադեմիական հատվածները, բայց նաև շատ կարևոր եմ համարել հասկանալ, թե որքանով եմ համապտասխանում համալսարաններին։ Համալսարանները ընտրել եմ նաև այն հիմքով, որտեղ ես առավել երջանիկ եմ զգացել։ Միանշանակ կարևոր է նաև եղանակն ու աշխարհագրական դիրքը։ Չնայած նախկինում այդ հանգամանքին ուշադրություն չէի դարձնում, մի օր երկար տարիներ Նյու Յորքի մասին երազելուց հետո գնացի այնտեղ և հասկացա, որ իմ օրգանիզմը չի հարմարվում այնտեղի եղանակին։

-Ի՞նչ ռազմավարություն կամ քայլեր ես մշակել, որպեսզի բարձրացնես ընդունվելու հնարավորություններդ, եւ ինչ խորհուրդ կտաս մյուս դիմորդներին.

Դիմում եմ տարբեր ընդունելության տոկոս ունեցող համալսարաններ՝ սկսած ամենադժվարներից մինչև ամենահեշտերը, որպեսզի մեծացնեմ ընդունվելու շանսերս։ Իհարկե, որքան հնարավոր է, շատ համալսարանների եմ դիմում։

-Ինչպիսի՞ հմտություններ եւ գիտելիքներ են քեզ ամենաշատն օգնել այս գործընթացում.

Մարքեթինգի ստացած գիտելիքներս շատ օգնել են, որովհետև 13 տարեկան էի, երբ սկսեցի սովորել Իմպուլս Ակադեմիայում։ Հետո խորացրեցի մարքեթինգի մասին իմ գիտելիքները, և հենց 13 տարեկանում ստացա առաջին աշխատանքի առաջարկը մարքեթինգի ոլորտում Իմպուլս ակադեմիայի դասախոսներից մեկից ու սկսեցի աշխատել։ Դա ինձ սովորեցրեց, թե ինչպես ճիշտ դիրքավորել ինձ, ինչը շատ կարևոր է դիմում-հայտի համար, ինչպես նաև սովորեցի կառուցել իմ անձնական բրենդը։

-Ի՞նչ խորհուրդ կտայիր այն դեռահասներին, ովքեր նույնպես պատրաստվում են դիմել համալսարան, բայց չեն հասկանում՝ որտեղից սկսել.

Հետևեք իմ բլոգին @diana.visual😄
]]> https://impulse-academy.am/%d5%b4%d5%ab%d5%bb%d5%a1%d5%a6%d5%a3%d5%a1%d5%b5%d5%ab%d5%b6-%d5%af%d6%80%d5%a9%d5%b8%d6%82%d5%a9%d5%b5%d5%a1%d5%b6-%d5%bd%d5%af%d5%ab%d5%a6%d5%a2%d5%a8-%d5%ab%d6%80-%d6%85%d6%80%d5%ab%d5%b6%d5%a1/feed/ 0